Dhukkuba Saayinasii (Sinusitis)

• Saayinasiin maalii?

Saayinasiin maqaa qaama keenya keessaa isa tokkooti. kana jechuun Saayinasiin qaama keenya yoo ta’u, saayinasaayitis (sinusitis) ykn kulkula sayiinasii kan jennu immoo dhukkubaadha. Saayinasiin baay’inaan afur kan ta’an qaamota keessaa isaan qullaa qilleensaan guutamee jiru lafee naannoo funyaanii keessatti argamaniidha. Qaamonni kun yeroo fayyaa isaanii qilleensaan haa guutaman malee, yeroo tokko tokko dhangala’aa hin barbaachifneen, vaayirasiin, baakteeriyaan dhuunfatamu. Yemmuu kana saayinasiin keenya kulkule kan jennu. Garuu, ‘allergic sinusitis’ sababa alaarjin dhufa malee, baakteeriyaa ykn vaayiresiin miti.

Dhukkuba saayinasii maaltu namatti kaasaa?

1. Qilleensa qorraa
2. Qilleensa gogaa
3. Dhukkee ykn awwaara
4. Foolii daaraa adda addaa fi kkf..

Mallattoon dhukkuba Saayinasii maalii?

1. Dhukkubbii mataa.
2. Qaawwii funyaanii ukkaanfamuu.
3. Haxxiffachuu.
4. Qufa’uu.
5. Fuula dhukkubsachuu fi kkf..

Haala yaala isaa:

Wantoota nutti kaasaan armaan olii irraa fagaachuu, Mana yaalaa deemanii ilaalamuun dawaa ittisaa fudhachuu, Dawaan ykn qorichi guutummaan guututti saayinasii balleessu yoo jiraachuu baateyyuu, dawaa ittisaa manni yaalaa namaaf laate sirnaan fayyadamuun gaaridha, Saayinasiin baakteeriyaan dhufu yoo nama irra ture, ‘infection’ sammuu fiduu ni danda’a. Garuu, ‘Allergic sinusitis’ dawaa manni yaalaa nuuf abboome sirnaan fudhachuun yeroo isaa eegee baduu ni danda’a.